Shyǵys Qazaqstan oblysynda áıel bolyp kıingen er adam shaǵyn nesıe uıymyn tonady, dep habarlady Polisia.kz.
21 naýryz saǵat 11:30-da Rıdder qalasy polısııa bóliminiń kezekshi bólimine qala turǵynynan qońyraý túsken. Ol mıkroqarjy uıymynyń keńsesi tonalǵany týraly habarlady. Onyń ústine jábirlenýshi iri kólemdegi aqsha somasyn urlaǵan qaskóı áıel adam boldy dep sendirgen.
Oqıǵa ornyna Rıdder qalasy PB tergeý-jedel toby, sondaı-aq krımınaldyq polısııa bólimshesiniń aımaqtyq-aýmaqtyq qyzmetkerleri jedel jiberildi. Jedel-izdestirý sharalaryn júrgizý barysynda krımınaldyq polısııa bólimshesiniń qyzmetkerlerine jábirlenýshiler men kýágerler qaskóıdiń qyz ekenin jáne onyń jaqyn mańdaǵy turǵyn úılerdiń aýlalary arqyly qashyp ketkenin aıtqan. Alaıda bir saǵat ishinde jedel ýákilder kúdikti er adamdy anyqtap, ustady. Ol Rıdder qalasynyń 45 jastaǵy turǵyny bolyp shyqty.
Qaskúnem kópten beri Rıdder qalasyndaǵy bazarlardyń birinde ornalasqan paıyzsyz qaryz beretin mıkroqarjy uıymynyń keńsesine shabýyldaýdy josparlaǵany anyqtaldy. Áıelder kıimin kıip alyp, kapıýshony bar aq tústi áıelder kúrteshesi, ókshesi bar aq etik, áıelder parıgi, qara sharf jáne bet-álpetin jasyratyn medısınalyq maska kıip alǵan qaskúnem tanymastaı ózgergen. Ol keńsege kirip, qarý tárizdi zatpen qorqytyp, menedjerden iri kólemdegi qarajatty ashyq túrde urlady.
Qazirgi ýaqytta atalǵan fakti boıynsha QR Qylmystyq kodeksiniń 191-baby 2-bóligi boıynsha sotqa deıingi tergep-tekserý bastaldy.