Elorda polıseıleri jedel-izdeý sharalaryn ótkizý barysynda halyqaralyq izdeýde bolǵan qylmyskerdi ustady, dep habarlady Egemen.kz Nur-Sultan qalasynyń polısııa departamentiniń baspasóz qyzmetine silteme jasap.
33 jastaǵy Reseı azamaty 2011 jyly Sankt-Peterbor qalasynda bireýge aýyr jaraqat salyp, saldarynan sol adam kóz jumǵan. Qylmystyq qýdalaýdan qashyp júrgen er adam 10 jyl boıy izdeýde boldy. Ol sońǵy jyldary Qazaqstanda turyp, jalǵan qujat alyp, bóten esimmen ómir súrgen. Otbasyn quryp, elorda meıramhanalarynyń birinde shef aspaz bolyp qyzmet etken.
Ustaý kezinde er adam óziniń aty-jónin jasyrýǵa tyrysty. Alaıda polısııa onyń saýsaq izderin salystyryp, onyń kúdikti ekenin rastady. Ol RF Qylmystyq kodeksiniń 111-baby 4-bólimi boıynsha adam ólimine ákelip soqtyrǵan densaýlyqqa qasaqana aýyr zııan keltirý qylmysyn jasady aıyptalyp otyr. Oǵan izdestirýdi Sankt-Peterbor qalasynyń ishki ister basqarmasy jarııalaǵan. Qazirgi kezde er adam elorda polısııa departamentiniń ýaqytsha ustaý oqshaýlaǵyshyna qamaldy, ony Reseıge ekstradısııalaý máselesi qarastyrylyp jatyr.