Oblystyq densaýlyq saqtaý basqarmasynyń basshysy Ashan Baıýálıevtiń málimetinshe, 2025 jylǵa deıin birneshe medısınalyq nysan qurylysyn salý kózdelip otyr, dep habarlaıdy Egemen.kz
«Atyraý qalasyndaǵy «О́rken», «Nursaıa» shaǵyn aýdandarynda 250 kelýshige arnalǵan emhana men aýyldyq eldi mekenderde 9 medısınalyq-sanıtarııalyq alǵashqy kómek kórsetetin nysan salý josparlanýda. Budan bólek, Atyraý qalasynda 3 qosalqy stansasymen birge jedel medısınalyq járdem stansasynyń qurylysy boı kóteredi. Bul jobalar Atyraý oblysyn áleýmettik-ekonomıkalyq damytýdyń 2021-2025 jyldarǵa arnalǵan josparyna saı júzege asady» dedi Ashan Baıdýálıev.
Sondaı-aq Atyraý qalasynda 250 kelýshige arnalǵan psıhıkalyq densaýlyq ortalyǵy, 350 kelýshige arnalǵan kópfýnksııaldy aýrýhana, oblystyq onkologııa dıspanseri janynan radıologııalyq korpýstyń qurylysy josparlanypty.
Onyń aıtýynsha, bul nysandardy iske qosý arqyly qan aınalymy júıesi, onkologııalyq, tynys alý joldary aýrýlarynan bolatyn, sondaı-aq, náreste men ana ólimin tómendetýge, onkologııalyq aýrýlardy erte anyqtaýǵa jol ashylady.