ULTTYQ AVIAKOMPANIIа DEP ATALǴANYMEN, ULTTYQ EREKShELIGI JOQ
Májilistiń Ekonomıkalyq reforma jáne óńirlik damý komıtetiniń keńeıtilgen otyrysynda avıasııa salasyndaǵy baǵany qalyptastyrý men jolaýshylarǵa qyzmet kórsetý máselesi talqylandy, dep habarlady osy palatanyń baspasóz qyzmeti.
Otyrysty komıtet hatshysy Murat Ábenov júrgizip, ortaǵa tastalyp otyrǵan másele jaıynda maǵlumat berip, jumys tobynyń jetekshisi Ashat Bekenov is barysy jaıynda málimdedi.
Birinshi bolyp sóz bastaǵan Kólik jáne kommýnıkasııa mınıstrliginiń azamattyq avıatasymal komıtetiniń tóraǵasy Rádilbek Ádımolda basty másele ádettegideı jolaýshylarǵa qyzmet kórsetýdiń sapasyn qashanda arttyra berý bolyp tabylatynyna toqtaldy.
Sóz kezeginde “Eır Astana” AQ prezıdenti Pıter Foster óz kompanııasynyń atqaryp otyrǵan jumysynan habardar etti. Onyń málimdeýinshe, 2002 jyldan beri “Eır Astananyń” tutyný ındeksi 83 paıyzǵa ósken. Janar-jaǵar maı quny ótken jyly elimizde tómendedi degenmen, olarda 76 paıyzǵa kóterilgen. Qyzmet kórsetý quny Almatyda 25 paıyzǵa ósken bolsa, Astanada 106 paıyzǵa aspandaǵan. “Sonda da “Eır Astana” AQ baǵany ósirgen emes”, – degen kompanııa basshysyna depýtattar ishki baǵyttardaǵy baǵalardyń joǵarylyǵyn, qyzmet kórsetýde aspannan baǵa alyp qoıa salatyndyqtaryn aıtyp suraqtyń astyna aldy.
Depýtat Nurlan О́nerbaı “Eır Astana” ulttyq avıakompanııa dep atalǵanymen, ulttyq ereksheligi joq. Memlekettik tildi qoldaný jaǵdaıy Konstıtýsııaǵa saı kelmeıdi”, – dep syn aıtyp, belgilegen baǵalary jolaýshylarǵa sol deńgeıde jetpeıdi, 19000 teńge turatyn bıletti ártúrli syltaý aıtyp 23000-nan túsirmeýge tyrysady. VIP qyzmet degenge bizdiń otbasy múshelerimizden 15000 teńgeden qaǵyp alady, mundaı tájirıbe álemde joq”, – degen ótkir syn aıtty. Depýtattar Aıgúl Soloveva men Erjan Rahmetov te osy baǵyttaǵy suraqtar qoıǵanymen, “Eır Astana” AQ prezıdenti mandytyp jaýap bere almaı, óz qyzmetin aıtyp otyra berdi.
Áriptesteriniń suraqtaryna mardymdy jaýap bolmasa da Amanqos О́tegenov, Valerıı Doskalov, Elena Tarasenko qosymsha suraqtar qoıdy.
Májilistiń Ekonomıkalyq reforma jáne óńirlik damý komıtetiniń keńeıtilgen otyrysynda avıasııa salasyndaǵy baǵany qalyptastyrý men jolaýshylarǵa qyzmet kórsetý máselesi dál depýtattar kútkendeı bolyp shyqpady.