Nur-Sultan qalasy boıynsha 2021 jyldyń II toqsanyna AÁK alý úshin ótinishter qabyldaý bastaldy, dep habarlaıdy elorda ákimdiginiń resmı saıty.
Qaýipti ınfeksııanyń taralýyna jol bermeý maqsatynda ótinish berýshimen tikeleı baılanysty boldyrmaý jáne toptalyp jınalmaý úshin qujattar elektrondy úkimet portaly arqyly onlaın túrde qabyldanady. О́tinish berýshi azamat(sha) qujattardy egov.kz elektrondy úkimet portaly arqyly onlaın túrde tapsyrady. Osy maqsatta Jumyspen qamtý ortalyǵynyń tórt aýdany (Almaty, Saryarqa, Esil, Baıqańyr) mamandary Zoom platformasynda qujattardy tapsyrý barysyn túsindirip, vıdeonusqaýlyq usynyp otyr.
Vıdeonusqaýlyqty myna siltemeden kórýge bolady.
Qujattardy qabyldaý 1-30 sáýir aralyǵynda júrgiziledi. Qazirgi ýaqytta Nur-Sultan qalasy boıynsha 3700 asa otbasyǵa AÁK taǵaıyndaldy.
Aıta keteıik, ataýly áleýmettik kómek — tabysy eń tómengi kúnkóris deńgeıiniń 70%-ynan tómen árbir otbasy múshesine toqsan saıyn taǵaıyndalatyn aqshalaı tólem.