Almatyda Rysqulov kóshesindegi eki qabatty ǵımarattan órt shyqty, dep habarlaıdy Egemen.kz qalalyq tótenshe jaǵdaılar departamenti baspasóz qyzmetine silteme jasap.
Belgili bolǵandaı, 4 sáýir kúni túski saǵat 13:22-ta Almaty TJD kezekshi bólimine Alataý aýdany, Rysqulov dańǵyly kóshesinde ornalasqan ǵımarattyń órtenip jatqany týraly aqparat túsken. TJD kúsh-quraldary joǵary dárejeli shaqyrtý boıynsha Alataý aýdany, Rysqulov dańǵyly, 258 mekenjaıyna jiberilgen.
«Alǵashqy órt sóndirý bólimsheleri kelgende eki qabatty ǵımarattyń ashyq jalynmen janyp jatqany anyqtady. Gaz-tútinnen qorǵaý qyzmetiniń býynymen barlaý barysynda ǵımarattiń ishinde adamdar tabylǵan joq, órt oqpandary berilip, órt avtosısternalary órt gıdranttaryna ornatyldy, sýdyń úzdiksiz berilýi qamtamasyz etildi. О́rt bolǵan jerge 18 tehnıka men 60 adam jumyldyryldy», delingen habarlamada.
О́rt saǵat 14.17 kezinde tolyq sóndirildi. Oqıǵa ornynan 25 l gaz ballony evakýasııalandy. Zardap shekkender joq.