Reseıdiń Blagoveshensk qalasynda Amýr medısınalyq akademııasynyń kardıohırýrgııalyq ortalyǵynda órt kezinde dárigerler naýqasqa ota jasap shyqqan.
Operasııadan keıin naýqasty Amýr oblystyq klınıkalyq aýrýhanasyna jetkizgen. Amýr memlekettik medısına akademııasy órt kezinde júrek ortalyǵynda úsh operasııa, sonyń ishinde koronarlyq arterııany aınalyp ótý otasy jasalǵanyn habarlaıdy. О́rt sóndirýshiler ǵımarattaǵy jalyndy sóndirý kezinde sý operasııalyq bólmelerge kirmeıtindeı jumys istegen. Nátıjesinde, ota sátti aıaqtalǵan.
Dárigerler órt týraly estigenimen, asa senbegenderin aıtqan. Sebebi operasııalyq bólme tóbesi janyp jatqan ǵımarattyń birinshi qabatynda ornalasqan. Ol jaryq múldem óship qalsa, naýqastyń tiri qalýy ekitalaı edi deıdi. Qutqarýshylar qosqan arnaıy generatordyń kómegimen ota toqtatylmaı, sońyna deıin jasalǵan.