Atyraý qalasynda plastıkalyq qutyny jınaýǵa arnalǵan torly shólmekter paıda boldy. Ony «Arnaıy avtobaza» JShS usynyp otyr.
Kásiporynnyń baspasóz qyzmeti málim etkendeı, turmystyq qaldyqtar arasynda plastıkalyq qutylar jıi ushyrasady. Turǵyndar ony kóshege tastap ketedi. Sol sebepten, shahardaǵy alańdar men demalys oryndaryna torly shólmek qoıyldy.
«Shahar tazalyǵy úshin osyndaı ózgeshe konteıner jasaldy. Bul – torly shólmek túrindegi ydys. Buǵan plastıkalyq bótelkeler salynady. Onyń alǵashqy danalary Isataı-Mahambet oRtalyq alańy men Jaıyq ózeniniń jaǵalaýyndaǵy saıabaqqa ornatyldy. Bolashaqta mundaı torly shólmekter qala turǵyndary kóp serýendeıtin ózge de alańdar men saıabaqtarǵa ornatý josparlanyp otyr», dep habarlady kásiporynnyń baspasóz qyzmeti.
Atyraý oblysy