Bul kúnderi AQSh-tyń Charlston qalasynda tennısten júlde qory 565 530 dollardy quraıtyn «Volvo Cars Open» týrnıri ótip jatyr, dep habarlaıdy Egemen.kz
Aıtýly jarysqa Qazaqstannyń tórt oıynshysy qatysqanymen Iаroslava Shvedova men Elena Rybakına alǵashqy aınalymda súrindi. Al álemniń 31-raketkasy Iýlııa Pýtınseva men WTA tiziminde 88-satyǵa jaıǵasqan Zarına Dıas ózderiniń tusaýkeser kezdesýlerin jeńispen aıaqtady. Iýlııa ulybrıtanııalyq Herrıet Darttan aılasyn asyrsa, Zarına reseılik Natalıa Vyhlıansevanyń oısyrata utty. Ekinshi kezeńde qos jerlesimiz ózara kúsh synasty. Bul tartys 6:2, 6:2 esebimen Pýtınsevanyń paıdasyna sheshildi.
Úshinshi kezeńde otandasymyz Garbıne Mýgýrýsamen sheberlik baıqasady. Birden aıta keteıik, Ispanııanyń ókili óte myqty oıynshy. Bul kúnderi álemdik reıtıngte 13 orynda turǵan Mýgýrýsa kezinde Rolan Garros jáne Ýımbldon týrnırlerinde top jaryp, Aýstralııanyń ashyq birinshiliginiń fınalynda óner kórsetken.