Kókshetaý qalasynda úsh kóliktiń soqtyǵysýymen jol apaty bolyp, bir adam qaıtys boldy, dep habarlaıdy Egemen.kz
Aqmola oblystyq PD baspasóz qyzmeti taratqan aqparatqa qaraǵanda jol apaty 6 sáýirde túngi saǵat 22:00 shamasynda Kókshetaý qalasynyń N.Nazarbaev dańǵylynda bolǵan.
Nıssan, Lada jáne Golf kólikteriniń soqtyǵysýy saldarynan Lada-granta kóliginiń jolaýshysy áıel adam oqıǵa ornynda kóz jumdy.
Qazirgi kezde oqıǵanyń mán-jaıy anyqtalý ústinde. Aıta keteıik, jol apaty týraly aqparat áleýmettik jelide tarady. Onda jol apat N.Nazarbaev dańǵylynyń boıynda Tennıs ortalyǵynyń mańynda oryn alǵany aıtylǵan.