Almatydaǵy Qorǵanys mınıstrliginiń áskerı klınıkalyq gospıtalinde COVID-19 taralýy jaǵdaıynda medısına personaldaryn arnaıy taktıkalyq daıarlaý sabaǵy ótti, dep habarlaıdy Egemen.kz Qorǵanys mınıstrliginiń baspasóz qyzmetine silteme jasap.
Áskerı dárigerler is-qımyl tártibin qarap, qaýipti ınfeksııanyń belgileri nemese dıagnozy qoıylǵan kezde qyzmetkerlerge habarlaý syzbasyn pysyqtady.
Jappaı kelip túsip jatqan naýqastardy alǵashqy bólý jáne ornalastyrý erejeleri, tekserý ádisteri erekshe nazarǵa alyndy. Bul máseleler basshylyq, dárigerler, medısına personaldarynyń praktıkalyq sabaǵynyń bir bóligi retinde jan-jaqty taldandy.
Sabaq barysynda ınfeksııanyń taralý qaýipsizdiginiń erejelerin saqtaý, jeke qorǵanys quraldaryn paıdalaný, juqtyrý aımaǵynda bolý jáne ol jerden shyqqandaǵy máseleler egjeı-tegjeıli pysyqtaldy.
Oqý-jattyǵýǵa qatysýshylar shuǵyl jaǵdaıda jınaqy jáne jedel jumys isteý, sanıtarlyq-epıdemııalyq normalardy qamtamasyz etý men naýqastarǵa sapaly medısınalyq kómek berýge qajetti kásiptik daıarlyqtyń joǵary deńgeıin kórsetti.