Kórkem gımnastıkadan Bolgarııada ótip jatqan Sofııa kýbogy jolyndaǵy jarysta Qazaqstan qurama komandasynyń músheleri sátti óner kórsetip, birneshe júldege qol jetkizdi, dep habarlaıdy Egemen.kz
Bizdiń arýlar arasynda Eljana Tanıevanyń shoqtyǵy bıik boldy. Alǵashynda ol taspa jattyǵýynda 20,550 upaı jıyp, altynnan alqa taǵyndy. Ol óziniń basty qarsylastary bolgarııalyq Tatıana Volojanına men ıtalııalyq Sofıa Mafezden biraz ozyp ketti. Kóp keshikpeı Eljana men Tatıana shyǵyrshyq jattyǵýynda da bas júldeni ózara sarapqa saldy. Bul joly da qazaq qyzynyń mereıi ústem boldy. Barlyq elementterdi oıdaǵydaı oryndap shyqqan ol 22.300 upaı jıyp, jeńis tuǵyrynyń eń bıik satysyna kóterildi.
Sondaı-aq osy jarysta Sabına Baqatovanyń da baǵy jandy. Ol dop jáne urshyqpen jasalatyn jattyǵýlar boıynsha qola medaldi ıelendi.