Dzıýdodan Bishkekte ótip jatqan erler men áıelder arasyndaǵy Azııa men Muhıt jaǵalaýy elderi birinshiliginiń ekinshi jarys kúni taǵy birneshe júlde jıyntyǵy sarapqa salynyp jatyr, dep habarlaıdy Egemen.kz
Erler saıysynda 73 kılo salmaqtaǵy Jansaı Smaǵulov alǵashqy aınalymdarda úndistandyq Ravan Qumar men ózbekstandyq Murodjon Iýldoshevten basym tústi. Alaıda jartylaı fınalda onyń joly bolmady. Tájikstandyq Samon Mahmadbekovten utylǵan Jansaı endi BAÁ-niń ókili Vıktor Skvortovpen qola medal úshin talasady.
81 kılo salmaqtaǵy Dıdar Hamza men Rýslan Musaev tusaýkeser kezdesýlerin jeńispen aıaqtaǵanymen, kelesi kezeńde jeńilistiń kermek dámin tatty. Dıdar koreıalyq Lı Moon Djınnen, al Rýslan ózbekstandyq Sharoffıdın Baltoboevtan jeńildi. Qos qandasymyz jubanysh básekesinde kúsh synasyp, bul tartysta Hamzanyń asyǵy alshysynan tústi. Úshinshi oryn úshin saıysta Dıdar mońǵolııalyq Saed Mollaeımen beldesedi.
Áıelder arasynda 63 kılo salmaqtaǵy Iolanta Berdibekova jubanysh básekesinde utylsa, 70 kılo salmaqtaǵy Zere Bektasqyzy qytaılyq Sýn Kııaogıanmen qola medal úshin kúresedi.