Memleket basshysy Qasym-Jomart Toqaev azamattardyń densaýlyǵyn qorǵaýdaǵy jankeshti eńbegi úshin dárigerlerge rızashylyǵyn bildirdi. Bul týraly ol Twitter paraqshasynda jazdy, dep habarlaıdy Egemen.kz.
«Búgin Dúnıejúzilik densaýlyq kúni. Qazirgideı qıyn kezeńde densaýlyq saqtaý salasynyń tıimdi jumysy – adamzat ómirinde qanshalyqty mańyzdy ekenin kórsetti. Pandemııanyń alǵashqy kúninen bastap medısına qyzmetkerleri adam ómirine arasha túsip, k/vırýsqa qarsy kúrestiń aldyńǵy shebinde júr.
Qoljetimdi jáne sapaly medısına júıesi – jalpyulttyq basymdyq. 2020 jyldan bastap medısına salasyn qarjylandyrý 1,5 esege kóbeıdi. 2021 jyly 1 qańtardan bastap sala qyzmetkerleriniń jalaqysy kóterildi. Azamattardyń densaýlyǵyn qorǵaýdaǵy jankeshti eńbegi úshin dárigerlerge rızashylyǵymdy bildiremin», dep jazdy Q. Toqaev.