Sý tasqynynyń ótýin jáne qaýip-qaterdi azaıtýdy eskere otyryp, ońtústik óńirlerde (105 eldi meken) sý tasqyny jaǵdaılaryna baılanysty 43 myń adam turatyn 276 eldi mekenniń 171-in sý basý qaýpi áli de bar (Batys Qazaqstan - 54, Qostanaı – 37, Aqmola – 31, Aqtóbe – 17, Soltústik Qazaqstan – 13). Ortalyq kommýnıkasııalar qyzmetinde baıandama jasaǵan QR TJM Tótenshe jaǵdaılardyń aldyn alý departamentiniń bastyǵy Rýstambek Amrınniń habarlaýynsha, elimizdiń ońtústik óńirleriniń jazyq aýmaǵy men ózenderinde qar jáne muz bolǵandyqtan, sý tasqyny qaýpi azaıdy, dep habarlaıdy Egemen.kz.
Sonymen qatar, Almaty, Shyǵys Qazaqstan, Jambyl jáne Túrkistan oblystarynyń taýlarynda qar saqtalady, qardyń jyldam erýi taý ózenderinde sý tasqynyna ákelýi múmkin.
«7 sáýirdegi jaǵdaı boıynsha Aqmola, Almaty, Atyraý, Shyǵys Qazaqstan, Batys Qazaqstan jáne Jambyl oblystarynda, Nur-Sultan qalasynda sý basý jaǵdaılary tirkeldi. Sonyń saldarynan 15 eldi mekende kósheler men aýlalardy, 3 turǵyn úıdi sý basty, avtomobıl joldarynda 6 ret sý deńgeıi kóterildi. Qurban bolǵandar men zardap shekkender joq», dep málimdedi TJM.