TÚRKI TILDEC MEMLEKETTER

ÚShIN ASA MAŃYZDY JYL Parlament Májilisiniń depý­taty, zań ǵylymdarynyń dok­tory, professor Nurlan Ábdirov Túrik Respýblıkasynyń astana­syna parlamenttik sapar jasap keldi. Ol Ankara qala­synda ótken “Túrki dúnıesi qarym-qatynas­taryndaǵy jańa qadam: Nahchy­van Rýhy” sımpozıýmyna qa­tysty. 2009 jyly Ázirbaıjannyń Nahchyvan qalasynda túrki tildes memleketter basshylary tarapynan qol qoıylǵan qujat búginde tarıhı mánge ıe bolýda. Túrki álemi úshin tarıhı mańyzy erekshe bul kelisimniń áseri men yqpaly jyl ótken saıyn arta túsedi dep sene­min. Sımpozıýmnyń osy kelisimge arnalyp otyrýy da sózimizdiń aıǵaǵy. Qazaqstan táýelsizdik alǵan kúnnen beri túrki álemi men Eýra­zııada yntymaqtastyq pen yqpal­dasýdyń belsendi bastamashysy bolyp keledi. Munda Qazaqstan Prezıdenti Nursultan Nazarbaev­tyń eńbegi erekshe zor. Qazaqstan Prezıdenti N.Na­zarbaev 2006 jyly Antalııa qala­synda ótken Túrki tildes mem­leketter basshylarynyń kezekti sammıtinde Túrki tildes  memleket­terdiń Parlamenttik Assambleıasy men Túrki álemi Aqsaqaldar  alqa­syn qurý týraly bastama kóterdi. Osy qurylymdar men Nahchyvanda taǵy da Elbasy Nazarbaevtyń bastamasymen negizi qalanǵan Túrki tildi memleketterdiń keńesi An­ka­radaǵy májiliske ózek boldy. Men Qazaqstan Parlamentiniń depýtaty retinde Túrki tildes mem­leketterdiń Parlamenttik Assam­bleıasyna  erekshe toqtalǵym keledi. Qazaqstan Prezıdentiniń bas­tamasymen qurylǵan bul mańyzdy qurylym búginde jemisti qyzmet  atqarýda. Bizdiń elderdiń parla­mentteri arasynda yntymaqtastyq nyǵaıa túsýde. Sonymen qatar, taıaýda Astanada Túrki áleminiń akademııasy jáne aqsaqaldar alqasy qurylady. Mine, osynyń bári Qazaqstan tarapynyń Nahchyvan kelisimine bastamashy  ǵana emes, ony taban­dy túrde júzege asyrýshylardyń biri ekenin aıǵaqtaıdy. Bıylǵy jyl – túrki tildes memleketter úshin asa mańyzdy jyl. Bıyl Qa­zaq­stan Eýropadaǵy qaýipsizdik jáne yntymaqtastyq uıymyna tóraǵalyq etip otyr. Túrkııa Qa­zaq­stannyń bastamasymen quryl­ǵan Azııadaǵy ózara is-qımyl jáne senim sharalary jónindegi keńes­ke jetekshilik jasaıdy. Sondaı-aq, Eýropa Odaǵy Parlamenttik Assambleıasyna tóraǵalyq etýde. Qazaqstan 2011 jyly Túrkııanyń usynysymen Islam Konferen­sııasy Uıymyna bas­shylyq etýge ázirlenýde. Osy mańyzdy, tarıhı máni zor bedeldi uıymdarǵa jetekshilik etý barysynda túrki tildes memleket­terdiń ózara yqpaldastyǵy men birin-biri qoldaýy Nahchyvandaǵy kelisimniń ómirsheńdigin arttyra túsedi dep oılaımyn. Bul bizdiń barshamyzǵa úlken jaýapkershilik júkteıdi. Nurlan ÁBDIROV, Májilis depýtaty.