Dzıýdodan Bishkekte ótip jatqan Azııa men Muhıt jaǵalaýy elderi birinshiliginiń ekinshi jarys kúni Qazaqstan qurama komandasynyń qorjynyna birde-bir medal túsken joq.
Erler saıysynda 73 kılo salmaqtaǵy Jansaı Smaǵulov alǵashqy aınalymdarda úndistandyq Ravan Qumar men ózbekstandyq Murodjon Iýldoshevten basym túskenimen, jartylaı fınalda tájikstandyq Samon Mahmadbekovten utyldy. Qola medal úshin básekede Jansaı BAÁ-niń ókili Vıktor Skvortovqa ese jiberdi. 81 kılo salmaqtaǵy Dıdar Hamza men Rýslan Musaev tusaýkeser kezdesýlerin jeńispen aıaqtaǵanymen, kelesi kezeńde jeńilistiń kermek dámin tatty. Dıdar koreıalyq Lı Moon Djınnen, al Rýslan ózbekstandyq Sharoffıdın Baltoboevtan jeńildi. Qos qandasymyz jubanysh básekesinde ózara kúsh synasyp, bul tartysta Hamzanyń asyǵy alshysynan tústi. Úshinshi oryn úshin saıysta Dıdar mońǵolııalyq Saed Mollaeıdiń osal tusyn taba almady.
Áıelder arasynda 63 kılo salmaqtaǵy Iolanta Berdibekova jubanysh básekesinde utylsa, 70 kılo salmaqtaǵy Zere Bektasqyzy úshinshi oryn úshin tarysta qytaılyq Sýn Kııaogıge jol berdi.