Qazaqstandyq tennısshi Iýlııa Pýtınseva AQSh-tyń Charlston qalasynda ótip jatqan «Volvo Cars Open» týrnıriniń tórtinshi kezeńine joldama aldy, dep habarlaıdy Egemen.kz.
Júlde qory 565 530 dollardy quraıtyn jarystyń tusaýkeser kezdesýinde ulybrıtanııalyq Herrıet Darttan aılasyn asyrǵan jerlesimiz kelesi aınalymda óziniń otandasy Zarına Dıastan basym tústi. Úshinshi kezeńde Garbıne Mýgýrýsamen sheberlik baıqasty. Bul kúnderi álemdik reıtıngte 13 orynda turǵan Ispanııanyń ókili kezinde Rolan Garros jáne Ýımbldon týrnırlerinde top jaryp, Aýstralııanyń ashyq birinshiliginiń fınalynda óner kórsetken. Alǵashqy sette Mýgýrýsa Pýtınsevanyń 6:0 esebimen tas-talqanyn shyǵardy. Ekinshi sette esep 2:2-ge jetkende áıgili tennısshi aıaǵyn jaraqattan alǵany saldarynan jarysty jalǵastyra almady. Osylaısha, otandasymyz tórtinshi aınalymǵa joldama aldy.
Endi Iýlııa Pýtınseva chernogorııalyq Danka Kovınchıch pen chehııalyq Petra Kvıtova arasyndaǵy kezdesýdiń jeńimpazymen kúsh synasady.