Prezıdenttiń baspasóz hatshysy Berik Ýálı Facebook paraqshasynda Memleket basshysy Qasym-Jomart Toqaev pen RF Syrtqy ister mınıstri Sergeı Lavrovtyń Aqordadaǵy kezdesýinen vıdeo jarııalady, dep habarlaıdy Egemen.kz.
Memleket basshysy Reseıdiń Syrtqy ister mınıstrin qabyldaý kezinde halyqty jappaı vaksınalaýdy jedeldetý úshin birinshiden, naryqqa vaksınany tıisti mólsherde jetkizý kerek ekenin, ekinshiden, halyqqa ekpe saldyrýdyń mańyzdylyǵyn túsindirý jumystaryn júrgizý qajettigin aıtty.
«Qazir jurttyń kópshiligi bul sharanyń mańyzdylyǵyn tolyq túsinbeı jatyr. Árıne, biz vaksınany tegin salamyz. Sondyqtan men ózim de vaksına egýden basqa jol joq ekenin únemi aıtyp kelemin», dedi Qasym-Jomart Toqaev.