Almatydaǵy Balýan Sholaq atyndaǵy sport saraıynda grek-rım kúresinen ótken Olımpııa oıyndarynyń lısenzııalyq týrnırinde Qazaqstan quramasy sátsiz óner kórsetti, dep habarlaıdy Egemen.kz.
Aıtýly jarysta Qazaqstannyń tórt balýany boz kilemge shyqqan edi. Solardyń arasynan Nursultan Tursynovtyń ǵana baǵy jandy. 87 kılo salmaqta synǵa túsken qazaq balýany japonııalyq Masato Sýmı men úndistandyq Sýshıl Qumardy qapy qaldyryp, fınalǵa shyqty. Al fınalǵa shyqqan sportshylar Olımpıada joldamasyna ıelik etetinin esterińizge salamyz.
О́kinishke qaraı, qalǵan ózge jigitterimiz el senimin aqtaı almady. Meıirjan Shermahanbet (67 kılo) qyrǵyzstandyq Marlen Asıkeevten, Oljas Syrlybaev (97 kılo) Ońtústik Koreıa ókili Seıol Lıden utyldy. Al Georgıı Sýrsýmııa qatarynan eki beldesýde qarsylastaryna ese jiberdi. Sóıtip, Qazaqstannyń grek-rım kúresi sheberleri Almatydaǵy týrnırde bir joldamaǵa ǵana qol jetkize aldy.