IIM baspasóz qyzmetiniń ókili Shuǵyla Turlybek elimizde bir apta ishinde 3 295 qylmys jasalǵanyn málim etti, dep habarlaıdy Egemen.kz
IIM ókiliniń dereginshe, apta ishinde oryn alǵan 3 295 qylmystyń 2 144-i táýlik ishinde ashylǵan.
«Polısııa qyzmetkerleri «izin sýytpaı» 15 kisi óltirýdi, 6 ólimge ákep soqqan densaýlyqqa qasaqana aýyr zııan keltirýdi, 1 qaraqshylyq, 29 tonaý jáne 480 bóten múlikti urlaý qylmystaryn ashty», dedi ol QR Ishki ister mınıstrliginde ótken brıfıng barysynda.
Sonymen qatar ol ótken aptada IIM basshysy Erlan Turǵymbaev Senatta Qyrǵyzstanmen kóshi-qon salasyndaǵy yntymaqtastyq týraly zań jobasyn usynǵanyn aıtty.
Mınıstrlik dereginshe, ótken jyly Qazaqstanǵa Qyrǵyzstannyń 281 myńnan astam azamaty kelgen. Kórshi elge 175 myń qazaqstandyq barǵan.