Búgin onlaın formata «Jastar arasynda sýısıdtiń aldyn alý boıynsha sharalar keshenin iske asyrýdy ázirleý» jobasynyń bastalýyna arnalǵan baspasóz konferensııasy ótti.
Is-sharaǵa QR AQDM jastar jáne otbasy isteri komıtetiniń tóraǵasy Shahmardan Baımanov, Azamattyq bastamalardy qoldaý ortalyǵynyń basshysy Lıma Dıas, «Qazaqstannyń teń quqyqtary men teń múmkindikteri ınstıtýty» QQ prezıdenti Margarıta О́skembaeva, joba úılestirýshisi Aıgúl Beımısheva jáne basqalar qatysty.
Baspasóz konferensııasy barysynda uıymdastyrýshylar jobanyń jastar arasyndaǵy sýısıdtik áreketterdiń aldyn alý jáne aldyn alý jumystarynyń tıimdiligin arttyrýǵa, sondaı-aq olardyń psıhıkalyq densaýlyǵyn saqtaýǵa jáne nyǵaıtýǵa járdemdesýge baǵyttalǵanyn atap ótti.
«Jas adamǵa sýısıd jasaý nıetimen kúresýdiń basqa da ssenarıılerin usyný mańyzdy. Mysaly, shyǵarmashylyqpen, sportpen, volonterlikpen aınalysý», dedi Sh.Baımanov.
Joba sheńberinde jasóspirimniń «táýekel tobyna» kirýine taldaý jasaı otyryp, «Jastardyń áleýmettik-psıhologııalyq ál-aýqatynyń ındeksin» ázirleý jáne ony aprobasııalaý, jastar arasynda sýısıdtiń aldyn alý boıynsha ata-analar men qamqorshylardy oqytý, sondaı-aq alynǵan bilimdi jergilikti deńgeıde odan ári taratý úshin oblystyq deńgeıdegi 170 jattyqtyrýshyny oqytý josparlanýda.
Aıgúl Beımısheva áleýmettik jobanyń uzaq merzimdi áseri: áleýmettik-psıho-medısınalyq turǵydan jastardyń sýısıdtik minez-qulqyn zertteý problemasyn ózektendirý, sondaı-aq qazaqstandyq qoǵamnyń sýısıdentterge jáne olardyń jaqyndaryna degen kózqarasyn ózgertý bolyp tabylatynyn atap ótti.
Joba QR AQDM qoldaýymen «Qazaqstannyń teń quqyqtary men teń múmkindikteri ınstıtýty» Qoǵamdyq Qory jáne Azamattyq bastamalardy qoldaý ortalyǵymen birlesip júzege asyrylýda.