Jetisýda juqpaly indettiń taralýy jıilep barady. Qazir aımaqtaǵy epıdemııalyq jaǵdaı asqynyp, óńir «qyzyl aımaq» sanatyna qosylǵan. Karantın shekteýi de qatańdatyldy. Alaıda koronavırýs juqtyrǵan naýqas sany azaıar emes, dep habarlaıdy Egemen.kz.
О́tken oblys boıynsha 226 adamnan koronavırýs belgisi tabylǵan eken. Sonyń ishinde Taldyqorǵan qalasynda 53 naýqas dárgerlik kómekke júginse, Eńbekshiqazaq aýdanynda – 33, Panfılov aýdanynda – 29, Ile aýdanynda - 27, Talǵar aýdanynda – 23, Jambyl jáne Kóksý aýdandarynda 16 jaǵdaı anyqtalyp otyr. Al Qarasaı aýdanynda – 10, Eskeldi aýdanynda – 5, Aqsý, Balqash, Kerbulaq aýdandarynda 3 jaǵdaıdan, Uıǵyr aýdany men Qapshaǵaı qalasynda 2 jaǵdaıdan, Alakól aýdanynda 1 jaǵdaı tirkeldi. Búginde oblys aýrýhanalarynda 2510 juqpaly indetke qarsy adam em qabyldap jatyr. О́kinishke qaraı, 25 naýqastyń jaǵdaıy aýyr eken Al aımaq boıynsha juqpaly aýrýlar stasıonarlaryndaǵy oryn sany 61 paıyzǵa tolyqqan. Sondaı-aq ótken táýlikte oblys boıynsha 126 adam koronavırýs indetinen emdelip shyqqan kórinedi.
Aıtpaqshy, óńirde koronavırýsqa qarsy vaksınasııalaý jumysy qyzý júrip jatyr. Qazir ekpe salý isi barlyq aýdanda bastalǵan. Mysalǵa, Eńbekshiqazaq aýdandynda «Spýtnık-V» vaksınasynyń 1-komponentin 7265 adam alǵan. Al vaksınanyń eki komponentin tolyq alǵandar sany 1196 adamǵa jetipti. Aýdandaǵy halyq kóp shoǵyrlanǵan Esik qlasy men Shelek aýylyndaǵy aýdandyq aýrýhanalarda ekpe kabınetteri ashylyp, aýyldardaǵy ambýlatorııalarda da ekpe salý júrip jatyr. Sondaı-aq jyljymaly ekpe brıgadalary qurylǵan. Qazir bul brıgadalar aýdandaǵy úlken óndiris oryndary «Adal» jáne «FoodMaster» kompanııalaryna baryp, jumysshylar men qyzmetkerlerge koronavırýsqa qarsy vaksına salýda.