Qyzylorda oblysyndaǵy arnaýly áleýmettik qyzmet kórsetý mekemeleriniń 524 mamany indetke qarsy ekpe aldy, dep habarlaıdy Egemen.kz
Bul týraly óńirlik kommýnıkasııalar qyzmetinde ótken brıfıngte oblystyq jumyspen qamtýdy úılestirý jáne áleýmettik baǵdarlamalar basqarmasy basshysynyń orynbasary Meırambek Ábdikárimov málimdedi.
Aımaqta jyl basynan beri áleýmettik qyzmet kórsetý ortalyqtarynyń stasıonarynda 677 azamatqa, kúndizgi bólimshelerde 184 adamǵa qyzmet kórsetildi.
– Qazir bizge qarasty medısınalyq mekemeniń úsheýi Talsýat eldi mekeninde, biri Qazalyda, endi biri qalada ornalasqan. Búginde bul mekemelerge oblystyq bıýdjetten azyq-túlik, dári-dármek, kommýnaldyq shyǵyndary men basqa da qajettilikterine tolyǵymen qarjy bólingen. Sondaı-aq, Covid-2019 pandemııasyna baılanysty 2-3 aıǵa jetetin qajetti dezınfeksııalyq qural-jabdyqtar qory da daıyn, – dedi Meırambek Jaqsylyquly.