Qaraǵandy oblysynda «jaman tumaýǵa» qarsy jappaı ekpe salý keńinen júzege asyryla bastady. Áýelde bul iske úrke qaraǵan aǵaıyn qazir vaksına saldyrýdyń qajettilik ekenin uǵyna túsken.
Qazir Qaraǵandyda ekpe saldyrý emhanalarda ǵana emes, oblys ortalyǵyndaǵy iri saýda úılerinde de uıymdastyryla bastady. Mysaly, bul jaýapty sharýa Global City saýda-oıyn-saýyq ortalyǵy men «Taır» saýda úılerinde bastalyp ta ketti. Aldaǵy ýaqytta mundaı beket «Abzal» jáne «Umaı» saýda oryndarynda da paıda bolmaq.
«Taır» jáne Global City saýda ortalyqtaryndaǵy vaksınalaý bólmeleri barlyq qajetti jabdyqtarmen, atap aıtqanda, vaksınalardy saqtaýǵa arnalǵan arnaıy tońazytqyshpen jabdyqtalǵan. Bul jerde ekpe saldyrýǵa nıet bildirgenderge bilikti medısınalyq mamandar qyzmet kórsetedi. Sonymen birge ekpe ortalyqtarynda qajet bolǵan jaǵdaıda jedel kómek kórsetýge arnalǵan arnaıy kabınet te qarastyrylǵan. Vaksınalaý beketterinde sanıtarlyq normalar qatań saqtalady.
Jalpy, oblysta búginge deıin 115 vaksınalaý ortalyǵy jumys istep tur. Onyń 12-si oblys ortalyǵynda. Densaýlyq saqtaý basqarmasynyń basshysy Gamal Toqsambaev ekpe saldyrýshylar qatary kóbeıetin bolsa, onda qosymsha beketter ashylatynyn málim etti. Budan bólek, óńirde vaksınalardy tasymaldaýǵa arnalǵan termokonteınerlermen jabdyqtalǵan jyljymaly medısınalyq toptar uıymdastyrylǵan. Olar eńbek ujymdaryn vaksınalaýmen aınalysady. Mysaly, qazirdiń ózinde «ArselorMıttal Temırtaý», YDD Corporation jáne Qaz Carbon syndy iri kompanııalardyń qyzmetkerlerine koronavırýsqa qarsy ekpe saldyrý isi durys jolǵa qoıylǵan. Kerek bolǵan jaǵdaıda joǵaryda aıtqan shaǵyn toptar óńirdiń kez kelgen eldi mekenderine de barýǵa daıyn eken.
Taıaýda óńirdiń bas dárigeri G.Toqsambaev sáýir aıynyń sońyna deıin oblysqa vaksınanyń taǵy 160 myńǵa jýyq dozasy jetkiziletinin málimdedi. Aıta ketý kerek, Qaraǵandy oblysynda búginge deıin 20 myńnan astam adam Spýtnık V ekpesiniń birinshi komponentin alyp úlgerdi. Al ekpeniń eki dozasyn alǵandardyń sany 10 myńnan asty.
О́kinishke qaraı, qolǵa alǵan sharalarǵa qaramastan, oblysta koronavırýs ınfeksııasy órship keledi. О́tken táýliktegi málimetke saı, óńirde 202 adamnyń indet juqtyrǵany anyqtaldy.
QARAǴANDY