Balqash qalasynda ótken jyly hakim Abaıdyń 175 jyldyq mereıtoıyna oraı ádebı aıaldama paıda bolǵan edi. Bıyl bul qatarǵa taǵy bir aıaldama qosylyp, qalanyń kelbetin ǵana emes, rýhanı dúnıesin de baıyta tústi.
Bul jolǵy ádebı aıaldamanyń bezendirilý taqyrybyna Alashtyń aıaýly uldary Álıhan Bókeıhan, Jaqyp Aqbaev jáne Álimhan Ermekov týraly materıaldar arqaý boldy. Qaladaǵy №1 orta mekteptiń janyndaǵy bul aıaldamada Balqashtyń turǵyndary men qonaqtary QR-kod arqyly qaıratker tulǵalardyń ómirbaıanymen jáne olardyń tanymal eńbekterimen tanysa alady.
Aıta ketken jón, bul jumysty «Rýhanı baǵdarlama» aıasynda jergilikti pedagog-mamandar jeke kásipker Baqtııar Myrzabaevtyń demeýshiligimen Qazaqstan Táýelsizdiginiń 30 jyldyǵyn merekeleýge daıyndyq aıasynda uıymdastyrdy. Belsendi azamattar aldaǵy ýaqytta da Balqashtaǵy avtobýs aıaldamalaryn bezendirý jumystarynyń jalǵasa beretinin aıtady.
Qaraǵandy oblysy,
Balqash qalasy