Mádenıet jáne sport mınıstri Aqtoty Raıymqulova ǵasyrlyq tarıhy, kóptegen tarıhı-mádenı, týrıstik jáne dinı eskertkishteri bar ejelgi qala jańa kelbetke ıe bolǵanyn aıtty, dep habarlaıdy Egemen.kz.
«Túrkistandy qaıta jańǵyrtý jolynda Tuńǵysh Prezıdent-Elbasy Nursultan Nazarbaevtyń atqarǵan róli erekshe. Elbasy 2018 jyldyń 19 maýsymynda Túrkistan oblysyn qurý týraly sheshim qabyldady. Osy tarıhı sheshimniń arqasynda ǵasyrlyq tarıhy, kóptegen tarıhı-mádenı, týrıstik jáne dinı eskertkishteri bar ejelgi qala jańa kelbetke ıe bolyp, álemniń túkpir-túkpirinen týrısterdi tartýda», dedi A. Raıymqulova.
Budan soń, ol Rýhanı jańǵyrý baǵdarlamasy aıasynda tarıhı ortalyqtardy qaıta jańǵyrtý jumystary júrgizilip jatqanyn aıtty.
«Rýhanı jańǵyrý baǵdarlamasy aıasynda qalanyń biregeı sáýlet elementteri men biregeı erekshelikterin saqtaı otyryp, Túrkistannyń tarıhı ortalyǵyn qaıta jańǵyrtý boıynsha belsendi jumys jalǵasyp jatyr. Restavrasııa, rekonstrýksııa jáne arheologııalyq zertteýler boıynsha barlyq júrgiziletin jumystar halyqaralyq sarapshylardyń jáne IýNESKO syndy bedeldi uıymdardyń usynymdaryna sáıkes júrgizilip keledi», dedi mınıstr.