Elorda ákimi Altaı Kólginov Instagram paraqshasynda «Han Shatyr» SOO-da qala turǵyndaryn KVI-ge qarsy vaksınasııalaý pýnkti ashylǵanyn málim etti. Qalada barlyǵy 55 myńnan asa adam vaksına aldy, dep habarlaıdy Egemen.kz Nur-Sultan ákimdiginiń resmı saıtyna silteme jasap.
Han Shatyr» saýda, oıyn-saýyq ortalyǵynda qala turǵyndaryn koronavırýsqa qarsy egý pýnkti ashyldy. Osy demalys kúnderi testilik rejımde SOO ujymyn vaksına alady. Al dúısenbiden bastap (19 sáýir) azamattar da ekpe ala alady. Vaksınasııa pýnkti gıpermarkettiń janyndaǵy birinshi qabatta ornalasqan. SOO-da vaksınasııalaýǵa nıet bildirýshilerdi qabyldaý kestesi saǵat 10:00-den 22:00-ge deıin.
Buǵan deıin vaksınasııa pýnkti "Mega Silk Way"SOO-da iske qosyldy. Sondaı-aq "Keruen", "Abý-Dabı Plaza" saýda, oıyn-saýyq ortalyqtary daıyn. Qajet bolǵan jaǵdaıda qaladaǵy qonaqúıler de iske qosylady.
Búgin emhanalarymyzda bolyp, egý pýnktteriniń jumysyn sapaly uıymdastyrý jóninde birqatar tapsyrmalar berdim. Alǵashqy medısınalyq-sanıtarlyq kómek uıymdarynda vaksınasııalaý pýnktteriniń sany 36-dan 100-ge deıin artty. Jumys ýaqyty saǵat 8:00-den 24:00-ge deıin uzartyldy.
Sonymen qatar eńbek ujymdaryn vaksınasııamen qamtý úshin kóshpeli medısınalyq brıgadalar quryldy. Qalada barlyǵy 55 myńnan astam adam vaksına aldy.
Jappaı vaksınasııalaý arqyly ǵana ujymdyq ımmýnıtetti qalyptastyra alamyz. Bul ózińizdi jáne aınalańyzdaǵy adamdardy qorǵaýǵa, qalypty ómirge oralýǵa múmkindik beredi», dep jazdy elorda ákimi.