Aqtóbede júzýden Qazaqstannyń ashyq birinshiligi óz máresine jetti. Bul jarysta elimizdińk barlyq óńiriniń ókilderimen qosa Qyrǵyzstannyń da sportshylary baq synady.
187 júzýshi saıysqa túsken jarystyń jalpy komandalyq esebinde Almaty qalasynyń órenderi aldaryna jan salmady. Olar 12 altyn, 10 kúmis jáne 8 qola medaldi oljalady. Ekinshi orynda – Aqtóbe oblysy. Aqtóbelikter 10 altyn, 16 kúmis jáne 7 qola júldege qol jetkizdi. Úshinshi satyǵa Túrkistan oblysy taban tiredi. Ońtústikten kelgen oǵylandar 5 altyn, 5 kúmis jáne 5 qolany qorjynǵa saldy.
El birinshiliginde top jarǵandar qatarynda Dmıtrıı Balandın, Ádilbek Mýsın, Ǵalymjan Balabek, Adelaıda Pselınseva, Dıana Tasjanova, Vıtalıı Hýdıakov, Marııa Fedotova, Danıel Qarakóz jáne taǵy basqa tanymal sportshylar bar.