«Sary mysyq» festıvaldi ashady

«Short Brothers» (Qazaq­stan), «Qa­zaqfılm» jáne Ari­zona Productions (Fran­sııa) kompanııa­larynyń qa­ty­sýymen «Zerde Films» (Qa­zaqstan) kompa­nııasy tú­sir­gen «Sary mysyq» fıl­m­i bu­ryn­ǵy qylmystyq ómi­rin bir­jola tastap, óz kınoteatryn salýdy arman­daıtyn Kermek esimdi jigittiń oqı­ǵasyn baıandaıdy.

Aıta ketý kerek, festıval aıasynda konkýrstyq baǵdarlamada Á.Er­ja­novtyń qysqa metrajdy «Baqyt­ja­mal» (2007 j.) jáne «Ul­bolsyn» (2020 j.) kórkem fılm­­deri kórsetiledi. Bıyl festıvalǵa barlyǵy 92 kartına qatysady.

goEast kınofestıvalin 2001 jyly Nemis kıno ıns­tıtýtynyń dırektory Klaý­dııa Dıllman qur­dy. Fes­tıval­dyń negizgi min­detteri – Ortalyq jáne Shyǵys Eýropa elderiniń mádenı damýy týraly bilim deńgeıin arttyrý, sonymen qatar ártúrli kıno mek­tepteri arasyndaǵy dıalogty te­reńdetýge úles qosý. Festıvaldi 2017 jyldan beri Helen Gerrıtsen bas­qarady.