Polshada ótip jatqan bokstan jastar arasyndaǵy álem chempıonatynyń besinshi jarys kúni óz máresine jetti.
Erler arasyndaǵy básekelerde Sanjar Tashkenbaı (49 kg) nemis sportshysyn bet qaratpaı jeńip, kelesi aınalymǵa ótti. 56 kılodaǵy Erbolat Sabyr eki raýnd ishinde latvııalyq Matveıs Prokýdınsti tórt ret nokdaýnǵa jiberip, shırek fınalǵa shyqsa, 91 kıloǵa deıingi salmaqta Mádı Ámirov ıordanııalyq qarsylasyn merziminen buryn jeńdi.
Sonymen qatar Sabyrjan Aqqalyqov (64 kg) ta shırek fınalda óner kórsetedi. Besinshi jarys kúniniń qorytyndysy boıynsha erler arasyndaǵy 52, 69, 81 jáne 91 kılodan joǵary salmaqtaǵy boksshylar jarys jolynan shyǵyp qaldy.