19 sáýir saǵat tańǵy saǵat 8:30-da Pavlodar oblysy «Ertis ormany» rezervatyndaǵy órt aýyzdyqtaldy. Bul týraly Tótenshe jaǵdaılar mınıstrliginiń resmı ókili Talǵat Ýálı málimdedi, dep habarlaıdy Egemen.kz.
О́rtke oranǵan alqap 1000 gektarǵa deıin jetken, onyń ishinde ormandy alqap 300 gektardy quraıdy. О́rtti sóndirýge 50 tehnıka men 206 adam jumyldyrylǵan.
«Galkın aýyldyq okrýginiń eki eldi mekenine qaýip tóngen bolatyn, alaıda onyń aldyn aldyq. Qazir eldi-mekenderge tóngen qaýip joq. О́rtengen aýmaq aldyn-ala málimet boıynsha myń gektarǵa deıin jetedi. Jaǵdaıdy baqylaýǵa alamyz», dedi Pavlodar oblysy Tótenshe jaǵdaılar departamentiniń basshysy Ernur О́tegenov.
Onyń aıtýynsha, órttiń taralý jyldamdyǵy sekýndyna 25 mertmen soqqan jel áser etken.
Aıta keteıik, «Ertis ormany» rezervatyndaǵy órttiń 18-sáýir kúni bastalǵany týraly jazǵan bolatynbyz. Aldymen rezervat aýmaǵyndaǵy qurǵaq shóp órtenip, keıin ormanǵa jaıylǵan. Qaza bolǵandar men zardap shekkender joq.
Gaýhar QAPASh