Jambyl oblysy Qordaı aýdany Noǵaıbaı aýylynda ýaqyt kapsýlasy salynyp, «MONTERRA QASAQSTAN» JShS jańa taý-ken metallýrgııa kombınatynyń qurylysy bastaldy, dep habarlaıdy Egemen.kz.
Saltanatty rásimge Jambyl oblysynyń ákimi Berdibek Saparbaev, Qazaqstan Respýblıkasynyń Indýstrııa jáne ınfraqurylymdyq damý mınıstri Beıbit Atamqulov, Syrtqy ister mınıstiriniń orynbasary Almas Aıdarov, ermanııa Federatıvti Respýblıkasynyń Tótenshe jáne О́kiletti Elshisi Tılo Klınner, Ortalyq Azııadaǵy Germanııa ekonomıkasy ókildiginiń basshysy Hovsep Voskanıan, MONTERRA GROUP AG Basqarma Tóraǵasy Krıstıan Graf fon Shtrahvıts, MONTERRA QASAQSTAN bas dırektory Merýert Danbaeva qatysty. Budan soń qatysýshy qonaqtar aǵash kóshetterin otyrǵyzdy.
Shara barysynda «TMK qurylysy jáne KMP altyn ken oryndaryn ıgerý» jobasy tanystyryldy.
Taý-ken metallýrgııa kombınatyn salý – sabaqtas salalardy damytýǵa, jalpy ónimniń ósýine jáne Jambyl oblysy turǵyndarynyń jumyspen qamtylýyna aıryqsha áser beredi. Kompanııa aımaqtyń áleýmettik ómirine de belsendi atsalysýda desek, sońǵy eki jylda 103,5 mln. teńge kóleminde qaıyrymdylyq kómek kórsetilgen. Kompanııa qazirdiń ózinde jobaǵa shamamen 6 mıllıard teńge ınvestısııa quıǵan, bul rette bıýdjetke salyqtyq túsimder aǵymdaǵy jyldyń aıaǵynda 1 mıllıard teńgeden asady dep kútilýde, - dep atap ótti Merýert Danbaeva.
Saltanatty sharada sóz alǵan Jambyl oblysynyń ákimi Berdibek Saparbaev joba Jambyl oblysynyń ekonomıkalyq, ekologııalyq jáne áleýmettik ósimine yqpal etetindigin atap ótti.
- Joba óńirde 2800-den astam jumys ornyn qurýǵa múmkindik beredi desek, ol boıysha negizinen jergilikti turǵyndar jumyspen qamtylmaq. Bul Qordaı aýdanynyń ǵana emes, jalpy oblystyń damýyna da serpin bereri sózsiz. Sondaı-aq, jas mamandardy daıarlaý baǵdarlamasy boıynsha oqytý júrgiziledi, - dedi aımaq basshysy.
- Bizdiń kompanııanyń jumysy turaqty ári Qazaqstan men Germanııa arasyndaǵy yntymaqtastyqtyń senimdi kópiri bolyp tabylady. Bizdiń jobamyzdyń sátti júzege asýy Qazaqstandaǵy qolaıly ınvestısııalyq ahýaldy taǵy bir aıǵaqtaı túseri sózsiz, - dedi MONTERRA GROUP AG Basqarma Tóraǵasy Krıstıan Graf fon Shtrahvıts.
- Eger buǵan deıin Qordaı aýdany negizinen aýyl sharýashylyǵy shalqyǵan aımaq atansa, qazir aýdan ındýstrııalandyrýdyń jańa kezeńin keshýde. Taý-ken metallýrgııa kombınaty ekologııa men sapanyń joǵary standarttaryna saı bolady. Eń mańyzdysy, bul keshen elimizde ınjenerler men metallýrgterdiń jańa býynynyń qalyptasýyna yqpal etedi. Bizge jańa quzyrettilikterdi meńgergen jastardy tárbıelep ósirý qajet, - dedi Beıbit Atamqulov.
Jalpy quny 832 mıllıard teńgeni quraıtyn joba úsh kezeńde júzege asyrylmaq. Qýattylyǵy jylyna Dore qorytpasynda 10 tonnaǵa deıin altyn óndirýge jetpek.
Aıta ketý kerek, kompanııa geologııalyq barlaý jumystaryna belsendi ınvestısııa salýda. Shıkizat kózi – Qaratas-Maıbulaq aýmaǵy.