Izraıl bıligi maska taǵý rejimin alyp tastady. Endi ashyq aspan astyndaǵy nysandar men kóshelerde betperdesiz júrýge ruqsat etiledi, dep habarlaıdy Egemen.kz Reuters agenttigine silteme jasap.
Jarlyqqa densaýlyq saqtaý mınıstrliginen Hezı Levı qol qoıdy. Sheshim koronavırýs juqtyrý deńgeıi tómendep, halyqty vaksınasııalaý naýqany sátti ótip jatqanyna baılanysty qabyldandy. Izraılde Pfize/Biontech vaksınasyna quqyǵy bar, 16 jastan asqan turǵyndardyń shamamen 81 paıyzy eki dozany da alǵan. Bul eldegi vırýs juqtyrý dereginiń kúrt tómendeýine ákeldi.
Degenmen maska taǵý rejimi jabyq nysandarda qatań saqtalady. Sonymen qatar, Izraıl densaýlyq saqtaý mınıstrligi ókilderi kóshedegi jınalystarǵa qatysqan kezde, nemese toptasyp jınalǵanda turǵyndarǵa maska taǵýdy usyndy.
Sheteldikterdiń elge kirýi áli de shekteýli, al shetelden oralǵan biraq vaksına salmaǵan ızraıldikter karantınge jiberiledi.
«Qazir pandemııadan shyǵý sharalary boıynsha búkil álemnen ozyp kelemiz. Degenmen áli de koronavırýsty tolyqtaı jeńdik dep aıta almaımyz. Qaıtyp oralýy da múmkin», dedi Izraıl premer-mınıstri Bınıamın Netanıahý.
Gaýhar QAPASh