Kompıýter qazaqsha mátindi dybystaı alady (Nazarbaev Ýnıversıtet ǵalymdarynyń jańa ónimi)

Olar qazaq tilinde sóz sıntezdeý nemese basqasha aıtqanda, qa­zaq mátinin dybystyq sıgnalǵa túr­l­endirý tehnologııasyn jasady. Sıntez tehnologııasy kompıý­t­erge kez kelgen qazaqsha má­tindi adam daýysyna óte uqsas daýyspen oqyp shyǵýǵa múm­kin­­dik beredi. Ázirleýshilerdiń aı­týynsha, mun­daı tehnologııa Qazaq­stan­da buryn bol­maǵan.

«Qazaqstanda bul tehnologııa erek­she qajettilikteri bar adamdar úshin, vırtýaldy kómek­shi­lerde jáne qazaqsha mátindi dy­­bystaý qajet bolatyn qyz­met­­­ter úshin paıdalanylýy múm­­kin. Mundaı tehnologııa – kom­pıýterdiń qazaq máti­nin dybys­taýdy qajet etetin ın­te­rak­­tıv­ti vırtýaldy assıs­tentter, navıgasııalyq júıeler, ha­barlaý júıeleri sııaqty kóp­tegen qosymshalardyń mańyzdy quramdas bóligi. Jańa tehnologııa kózi nashar kóretin adamdar úshin de paıdaly bolýy múmkin. Bul qazaq mátinin aýdıoǵa aı­nal­dyrý ar­qyly adam men ro­bottyń ózara is-qımylyn ret­teý­ge múmkindik beredi, – deıdi ISSAI postdok­toran­ty Erbolat Hasanov, – biz­diń joba­myz­dyń basty maqsa­tynyń biri – sıfr­ly tehnologııalardy qazaq­sha­laý. Buǵan deıin biz qazaq tilinde osyǵan uqsas tehnologııalardy kezdestirmedik».

Ǵalymdar bul tehnologııany qazaqsha durys ıntonasııa jáne qarqynmen áıel jáne er daýysyna salyp sóıleıtin eki nusqasyn jasady.

Búkil álemde bul tehnologııa den­saýlyq saqtaý, elektrondy oqytý, daýystyq kómekshiler sııa­q­ty salalarda keńinen qol­dany­la­dy. Ǵalymdar jańa teh­no­logııa sıfrly keńistikte qazaq tiliniń qa­tysýyn art­tyrýǵa múmkindik be­retinine senimdi.

Ǵalymdar jınalǵan máli­met­ter baza­syn, aldyn ala da­ıyn­dal­ǵan modelderdi jáne joba kodyn ashyq túrde usynady. Osynyń kómegimen kez kelgen uıymdar men kompanııalar qazaq­sha sóz sıntezdeý jobalaryn jasaı alady.