Tártip saqshylary birneshe márte alaıaqtyq jasaǵany úshin Taraz qalasynyń turǵynyn ustady, dep habarlaıdy Egemen.kz
Polısııaǵa belgisiz er adamnyń «júrgizýshi kýáligin jedel alyp beremin» degen syltaýmen olardyń 250 myń teńgesin ıemdenip ketkeni týraly 3 shaǵym túsken.
«Atalǵan derekke qatysty Qylmystyq kodekstiń 190-baby (Alaıaqtyq) boıynsha sotqa deıingi tergeý amaldary bastaldy. Jedel-izdestirý sharalary barysynda polısııa qyzmetkerleri oblys ortalyǵynyń 37 jastaǵy turǵynyn anyqtap, ustady», delingen oblystyq polısııa departamentiniń baspasóz qyzmeti taratqan habarlamada.
Qazirgi tańda kúdikti kinásin moıyndady, zardap shekken ózge de tulǵalardy anyqtaý boıynsha tergeý amaly júrgizilip jatyr.