Memleket basshysyna mınıstrliktiń aqparattyq saıasat pen azamattyq qoǵamdy damytý baǵytynda atqaryp jatqan jumystary jaıynda baıandaldy, dep habarlaıdy Egemen.kz Aqordanyń baspasóz qyzmetine silteme jasap.
Atap aıtqanda, Qasym-Jomart Toqaevqa memlekettik saıasattyń ózekti máseleleri boıynsha aqparattyq-túsindirý jumystaryna, onyń ishinde, volonterlik qozǵalysty jáne ekologııalyq aǵartý sharalaryn odan ári damytýǵa, el Táýelsizdiginiń 30 jyldyǵy aıasynda atqarylatyn is-sharalardy júzege asyrýǵa qatysty buǵan deıin bergen tapsyrmalardyń oryndalý barysy týraly aqparat berildi.
Prezıdentke «Qoǵamdyq keńester týraly» jáne «Aqparatqa qol jetkizý týraly» zańnamalarǵa engizilgen jańa túzetýlerdiń júzege asyrylý barysy týraly aıtyldy.
Sondaı-aq mınıstr Memleket basshysynyń qoǵamdyq baqylaý, volonterlik jáne qaıyrymdylyq qyzmet týraly jańa zań jobalaryn ázirleý jónindegi tapsyrmalarynyń oryndalýy jaıynda baıandady.
Kezdesý sońynda Prezıdent mınıstrlikke birqatar naqty mindet júktedi.