Qazaqstanda Malshylar kúni atap ótilýi múmkin, dep habarlaıdy Egemen.kz.
Qaýly jobasyn Aýyl sharýashylyǵy mınıstrligi ázirlegen. «Ashyq NQA» portalynda jarııalanǵan qaýly jobasyna sáıkes, Malshylar kúni merekesin maýsymnyń ekinshi jeksenbisi atap ótý kózdelgen. Qujat bıylǵy jylǵy 5 mamyrǵa deıin talqylaýǵa usynylǵan.
«Qaýly jobasyn iske asyrý respýblıkalyq bıýdjetten qarjylyq shyǵyndarǵa ákep soqpaıdy. Qaýly jobasyn qabyldaý teris áleýmettik-ekonomıkalyq nemese saıası-quqyqtyq jáne ózge de saldarlardy boljamaıdy. Jobanyń maqsaty elimizde malshylar kúni merekesin bekitý, sondaı-aq sala jumyskerleriniń bedelin arttyrý, salada qol jetkizgen jetistikteri úshin olardy kótermeleý bolyp tabylady», delingen Aýyl sharýashylyǵy mınıstrliginiń túsindirmesinde.