Kaspıı teńizi jaǵalaýynan (Túpqaraǵan aýdanyna qarasty «Kóse» degen jer, el ishinde «Doshana qorasy» atalyp ketken jer) 20-ǵa jýyq túıeniń óleksesi tabyldy, dep habarlaıdy Egemen.kz Mańǵystaý oblysy ákiminiń baspasóz qyzmetine silteme jasap.
Bul janýarlar erte kóktemde sýǵa batyp ketken bolýy múmkin, deıdi mamandar. Búgin qatty tolqyn kóterilip, janýarlardyń denesin jaǵaǵa shyǵaryp jibergen.
Qazir aýdan ákimdigi, oblystyq tótenshe jaǵdaılar departamenti men aýdandyq veterınarııa stansııasynyń qyzmetkerleri shuǵyl iske kirisip, ólgen túıelerdi joıý jumystaryn qolǵa alyp jatyr.