Jer tońy jibigende kóshet otyrǵyzý – saýapty is. Babyn taýyp, baptaı bilsek, búgingi kóshet bolashaqta máýeli baqqa nemese kóleńkeli saıabaqqa aınalary belgili. Osy oraıda kóktemnen bastap tuqymbaqqa kóshet otyrǵyzyp, keleshekte aýdandy, oblysty jasyl jelekpen qamtamasyz etetin ulttyq parktiń tuqymbaq jobasy búginde júzege asyp, jumysyn bastap ketkenin bireý bilse, bireý bilmes...
Aǵash otyrǵyzýdyń qyr-syryna qanyq mekeme mamandary toptasyp, ekologııalyq aǵartý, rekreasııa jáne týrızm bóliminiń mamandarynyń uıymdastyrýymen «Parkter sherýi-2021» Halyqaralyq aksııasynyń aıasynda ótetin «Dúnıejúzilik aǵash otyrǵyzý kúni» is-sharasymen baılanystyrylyp, «Qarabulaq» atty tuqymbaqtaǵy mektep bóliminde jóke men úıeńki aǵashynyń 500 túp kóshetin, terekten 2 myń túp, sondaı-aq emennen 2500 kóshet otyrǵyzdy.
Osy aýqymdy jumystardy atqaryp, keleshekte jan-jaqtan túsken suranystar boıynsha ekpe kóshetterimen qamtamasyz etip, mekeme ózin ózi qarjylandyryp, paıda kózin tabatyn bolady. Sondyqtan da búgin qalanyp jatqan, janynan sý kózi úzilmeıtin tuqymbaqtyń ulttyq park úshin mańyzy zor.
Keleshekte aýyldyq okrýgterdi jáne aýdandy qamtamasyz etý úshin basqa da jemis-jıdek aǵashtarynyń kóshetterin ósirip baptaý josparda bar. Tuqymbaqtyń ornalasý ereksheligine baılanysty aýmaqta jerdiń qurǵaq bolýy yqtımaldylyǵynan tamshylatyp sýarý júıesi qoldanylady. Egilgen ekpe kóshetterin saqtap qalý úshin sýarý júıesi qatań baqylaýǵa alynady. Bul kóshetterdiń kútimin jaqsartý úshin egý kezinde organıkalyq tyńaıtqyshtarmen baıytylǵan qı-kón qospa da qoldanyldy. Jumystyń basy tuqymbaq aýmaǵyn qorshaý úshin, sanıtarlyq tazartý maqsatynda arnaıy kesilgen aǵash dińderi qaǵylyp, temir tormen qorshaýǵa alynǵannan bastalyp, tuqymbaqtaǵy atqarylatyn jumystarǵa qajetti qural-jabdyqtarmen tolyq qamtamasyz etildi.
Qasıetti Ramazan aıynda týǵan ólke tabıǵatyn kórkeıtý, aınalamyzdy jasyl jelekke aınaldyrýǵa judyryqtaı jumyla bilgen ujymymyzdyń qasynan tabylǵan Qarabulaq aýylynyń ákimi Erjan Qaıranov ta halyq atynan júrek jardy tilegin bildirip, kásipker Ádilet Sýyqbaev ıgilikti iske qolǵabys etti, «Saıat» sharýa qojalyǵynyń ıesi de qolushyn sozyp, jergilikti memlekettik ınspektorlar atsalysyp, Quran hatym túsirildi.
Qazir tuqymbaq janyndaǵy aýyldan jaldamaly qyzmetke 2 jumysshy alynǵanyn aıta ketken oryndy. Keleshekte maýsymdyq kezeńde onnan astam jumysshy qatarǵa tartylyp, bul da aýdan halqynyń ál-aýqatyn jaqsartýǵa septigin tıgizetin ıgi is bolary kúmánsiz.
Jańylqan ALEMSEITOVA,
«Tarbaǵataı» memlekettik ulttyq tabıǵı parki ǵylym, aqparat jáne ekologııalyq monıtorıng bóliminiń basshysy
Shyǵys Qazaqstan oblysy