Qaraǵandy oblysy boıynsha jalpy jaıylymdyq jer kólemi 35,3 mln gektardy quraıdy eken. Onyń ishinde 14,2 mln gektary aýyl sharýashylyǵy salasynda, al qalǵan 12,8 mln gektar jer kólemi memleket menshigindegi jer qory bolyp esepteletin kórinedi.
О́ńirdegi 35 302,2 myń gektar jaıylymdyq jerdiń 3 662,7 myń gektary 202 aýyldyq okrýg turǵyndarynyń mal jaıýy úshin bólingen. Al oblystyq aýyl sharýashylyǵy basqarmasynyń deregine saı, 2021 jyldyń 1 sáýirine deıingi statıstıkalyq málimetter boıynsha jeke qosalqy sharýashylyqtarda 294,6 myń bas iri qara, 128,7 myń bas jylqy, 422,7 myń bas qoı men eshki tirkelgen. Osy kórsetilgen mal basyna qajetti jaıylymdyq jerdiń kólemi 7,3 mln gektardy quraıdy.
Qazirgi tańda oblysta jetispeıtin jaıylym jer máselesin sheshý maqsatynda paıdalanylmaı jatqan jerlerdi anyqtaý jáne aýyl sharýashylyǵy taýar óndirýshilerinen qaıtyp alý, sondaı-aq rezervtik jerlerden jaıylymdardy bólý jumystary qolǵa alynǵan.
Aıta ketý kerek, 2020 jyly Qaraǵandy oblysynda respýblıkamyzda alǵashqy bolyp tozǵan jaıylymdardy qalpyna keltirý jónindegi qanatqaqty joba júzege asyryldy. Sonyń nátıjesinde, Buqar jyraý aýdanyna qarasty tórt eldi mekenniń, atap aıtqanda Jańatalap, Rostovka, Tegisjol aýyldyq okrýgteri jáne Botaqara kenti boıynsha tozǵan jaıylymdyq jerlerdiń 749 gektaryna normatıvtik-tehnologııalyq kartaǵa sáıkes, túbegeıli jaqsartý is-sharalary júrgizildi. Naqtyraq aıtqanda, quny 39 mln teńgeni quraıtyn tozǵan alqaptardy óńdeý, mıneraldyq tyńaıtqyshtardy engizý jáne tuqym qospasyn sebý jumystary júrgizildi.
Bıyl bul jumystardy jalǵastyrý maqsatynda jergilikti bıýdjetten 9 mln teńge qarajat qarastyrylǵan. Qazirgi ýaqytta merdiger sharýashylyqtarmen birge normatıvtik-tehnologııalyq kartaǵa sáıkes, egistik jerlerge kútim jasaý, aramshópterdi julý jáne egisterdi saqtaý, kúzetý jumystaryna daıyndyq júrgizilip jatyr.
Qaraǵandy oblysy