Turǵyndardy baspanamen qamtý máselesi jaqyn arada kún tártibinen túspesi anyq. О́ıtkeni buqaranyń óz úıine degen suranysy artpasa kemimeı otyr. Bul óz kezeginde memlekettiń turǵyn úı qurylysyna qatysty áleýmettik-ekonomıkalyq saıasatyn da áıgilemek. Al qazir elimizde bul baǵyttaǵy jumys qyzý. Ári qurylys qarqynynyń iri qalalardan bólek, aımaqtarda da erekshe ekpin alǵanyna qýaný kerek. Osy lekte Almaty oblysy da bar.
Máselen, aldaǵy bes jylda Jetisý jerinde 5,4 mln sharshy metr turǵyn úı salynady degen jospar bar. Iаǵnı oblysta áleýmetke qoljetimdi turǵyn úı kólemin arttyrýǵa naqty kóńil bólinýde. Atap aıtqanda, bıyl atalǵan sharshy aýmaqtyń 1 mln sharshy metrden astamynda qurylys aıaqtalyp, turǵyn úıler paıdalanýǵa beriledi eken. Sonyń ishinde «Nurly jer» baǵdarlamasy boıynsha 191 myń sharshy metr baspana salynýda. Bul jalpy sany 1 390 páterden turatyn 37 kóp qabatty úı bolmaqshy. Sondaı-aq «Baqytty Otbasy», «7-20-25», «Shańyraq» baǵdarlamalary arqyly 1 906 adam qonys toıyn toılaıdy.
Turǵyn úı kezegindegi tizim sany Taldyqorǵan qalasynda da jyl ótken saıyn tolyǵyp keledi. Qazir oblys ortalyǵynda 16,8 myń adam baspanadan úmitti eken. Al taldyqorǵandyqtardy baspanamen qamtý maqsatynda ótken jyly 137,5 myń sharshy metr turǵyn úı qoldanysqa berilse, bıyl jalpy kólemi 164 myń sharshy metr turǵyn úı salynýda. Qazir qalanyń 6, 7 jáne 8 shaǵyn aýdandarynda 33 kóp qabatty úıdiń qurylysy qyzý júrip jatyr. Sondaı-aq qarqyndy qurylys alańyna aınalǵan kottedj qalashyǵynda taǵy 232 qos qabatty jeke úı óz ıelerin tappaqshy.
Kottedj qalashyǵy demekshi, Taldyqorǵanǵa kire beristegi úlken sáýlet alańyndaǵy aqshańqan úılerdiń boı kótergenine sanaýly ǵana jyl bolǵan. Jospar boıynsha aýmaqta 600-den astam kottedj salynýy tıis. Búginge deıin 400-ge jýyq baspananyń qurylysy aıaqtalyp, baspana kezeginde turǵan adamdar úıli bolyp ta úlgergen. Mundaǵy baspanalar uzaq jyl úı kezegin kútken turǵyndar men kóp balaly analarǵa, múmkindigi shekteýli jandarǵa, áleýmettik sala qyzmetkerlerine kezeń-kezeńimen berilip otyr. Sońǵy eki jylda kottedj qalashyǵynda 35 myń sharshy metr úı paıdalanýǵa berilip, 386 otbasy baspanaly boldy. Al byltyr «Táýelsizdikke tartý: 30 kúnde 30 nysan» aksııasy aıasynda 120 úı ıesin tapsa, onyń ishindegi 30 kottedj densaýlyq saqtaý salasynyń qyzmetkerlerine berilgen eken.
– 2006 jyldan beri Taldyqorǵanda úı kezegine turyp keldik. Jeke baspanaǵa qol jetkizý baqyty 2020 jyly ǵana jetti. Onda da dál mynadaı eki qabatty kottedj buıyrady dep kútpedik. On tórt jyl boıy páter jaldap turǵan maǵan bul baspana han saraıyndaı kórindi. Qalashyqta barlyq ınfraqurylym jasalǵan eken. Úıimizge sý, gaz, elektr jelileri tartylǵan. Endi jańa úı bolǵasyn kem-ketikter bolady. Ony úıdi salǵan qurylys kompanııasy rettep berdi. Onyń ústine bul úıge aı saıyn 8 myń teńge ǵana tóleımin, – deıdi kottedj qalashyǵynyń turǵyny Indıra Muqametqalıeva.
Bul kottedj qalashyǵy barlyq ınfraqurylymmen qamtylǵan, áleýmettik nysandary bar jeke aýdan retinde damyp keledi. Qazir aýmaqtaǵy sport alańynyń qurylysy aıaqtalýǵa taıaý, onda fýtbol, voleıbol, basketbol alańdary bolady. Al jyl sońyna deıin kottedj qalashyǵynyń aýmaǵynda 900 oryndyq jańa mektep pen 300 oryndyq balabaqsha qurylysy aıaqtalyp, iske qosylmaqshy.
Jalpy, búginde oblys boıynsha páterden úmitti 51,8 myń adam kezekte tur eken. Al byltyr 2 395 otbasy turǵyn úımen qamtylǵan. Bul sanatta kóp balaly jáne áleýmettik jaǵynan qorǵalmaǵan topqa kiretin 1 258 otbasy bar.
Almaty oblysy