Qyzylorda oblysynda kóptegen is-shara onlaınǵa qaıta kóshirilip jatyr. О́ńirlik kommýnıkasııalar qyzmetinde ótetin brıfıngter de osy formatqa aýystyryldy. Apta basyndaǵy brıfıngte oblystyq densaýlyq saqtaý basqarmasynyń basshysy Sábıt Pazylov aımaqta epıdemııalyq ahýaldyń aldyn alý baǵytyndaǵy jumystardy baıandady. Aqpan aıynan beri oblysta 20 myńǵa jýyq turǵyn ekpe alǵan. Byltyrdan beri 4 798 adam koronavırýs indetin juqtyrypty. 18 sáýirde olardyń qataryna taǵy 35 turǵyn qosyldy.
– Infeksııalyq jáne provızorlyq stasıonarlarda 3 200 tósektik oryn daıyn. Onyń 500-den astamy ortalyqtandyrylǵan ottegimen qamtylǵan. Aımaqtaǵy medısınalyq uıymdarda 686 ottegi konsentratory, 251 ókpeni jasandy jeldetý, 8 kompıýterlik tomograf jáne 66 rentgen apparaty bar, – deıdi basqarma basshysy.
Medısınalyq mekemeler men dárihanalar qorǵanysh kıimderimen qamtamasyz etildi. Dári-dármektiń 2 aıǵa jetetin qory jasaqtalyp tur. Medısına qyzmetkerleriniń indetti juqtyrý kórsetkishi azaıypty. Basqarma basshysy táýekel tobyndaǵylardyń erekshe baqylaýda turǵanyn da aıtyp ótti. Osy kúni 138 dárigerlik mobıldik top úıden em jasaýda. Aımaqta 6 ottegi stansasy bar. 200 oryndyq modýldik juqpaly aýrýlar aýrýhanasynyń qurylysy aıaqtaldy, aldaǵy aıda paıdalanýǵa berý josparlanýda. Vaksınalaý oblys ortalyǵyndaǵy 5 emhanada, oblystyq keńes berý dıagnostıkalyq ortalyǵynda, «Intertıch» klınıkasynda, barlyq aýdan men Baıqońyr qalasynda júrgizilýde. Ekpe talapqa saı, temperatýralyq rejimdi qadaǵalaıtyn arnaıy mashınamen halyq sanyna qaraı egý oryndaryna jetkizilip tur.
Onlaın brıfıngke byltyr indet órship turǵan shaqta «Seıhýn» provızorlyq stasıonarynda jumys istegen dárigerlerdiń biri Nurlan Nurpeıisov te qatysty. Kenetten jabysqan keselden naýqastardyń qınalǵan sátin kórgen tájirıbeli maman indettiń etek jaıýyna ózimizdiń saqtyq sharalaryna salǵyrt qaraýymyz sebep bolyp otyrǵanyn aıtady.
– Men óz erkimmen ekpe saldyrǵan medısına salasy qyzmetkerleriniń birimin. Vaksınadan keıin ózimdi jaqsy sezindim. Qazir densaýlyǵymda eshqandaı kinárat joq. Eń bastysy, dertke shaldyǵyp qalý qorqynyshynan aryldym. О́zim jáne jaqyndarym úshin alańym azaıdy. Degenmen qosymsha saqtyq sharalaryn saqtap júrmin, – deıdi dáriger.
Betperde taǵyp, araqashyqtyqty saqtaýdyń mańyzdylyǵy az aıtylyp jatqan joq. Osyǵan shyndap qulaq asatyn kez keldi. Kúndiz mamannyń keńesin bas shulǵı tyńdap, keshke jasyryn toı-tomalaqtyń tórinen tabylatyndar kóp. О́zimizdiń osy ádetimizdi jeńsek, keseldiń de beti qaıtar edi.
Qyzylorda oblysy