Belgisiz derttiń beti qaıtqan joq

«Búgingi kúni álemde KVI-diń 141 mıllıonnan astam jaǵdaıy tirkelgen. Táýligine 700 myńnan astam jaǵdaı tirkelip jatyr. 3 mıllıonnan astam adam qaıtys boldy. О́lim kórsetkishi 2,1 paıyzdy qurap otyr. DDU-nyń alty aımaǵynyń beseýinde aýrýdyń ósý tendensııasy baıqalady. 21 sáýirdegi jaǵdaı boıynsha Qazaqstanda COVID-19 oń nátıjesimen 294 946 naýqas jáne KVI-diń teris nátıjesimen 52 025 jaǵdaı tirkeldi. KVI-diń oń nátıjesimen aýyrǵan 252 598 naýqas jáne KVI-diń teris nátıjesimen aýyrǵan 50 839 naýqas emdeldi», dedi vıse-mınıstr.

Onyń atap ótýinshe, epıde­mııa­lyq jaǵdaı matrısasyna sáıkes elimiz 23 kún boıy táýekeldiń joǵary aımaǵynda, ıaǵnı «qyzyl aımaqta» tur. 

«Sondaı-aq táýekeli joǵary aımaqta 10 óńir bar. Olar: Nur-Sultan, Almaty jáne Shymkent qalalary, Atyraý, Batys Qazaqstan, Aqmola, Qara­ǵan­dy, Aqtóbe, Mańǵystaý jáne Qyzylorda oblystary. Búgingi kúni táýekeldiń orta­sha aımaǵynda 4 óńir, atap aıt­qanda Jambyl, Shyǵys Qazaqstan, Pavlodar, Almaty ob­­lystary bar. «Jasyl aı­maq­ta» Túrkistan, Soltústik Qazaqstan jáne Qostanaı oblystary or­nalas­qan», dedi E.Qııasov.

Koronavırýspen syr­qat­­taný­­shy­lyqtyń 58 paıyzy 3 óńirge tıesili. «Naý­ryz aıymen salystyrǵanda sáýir aıynda syrqattanýshylyqtyń ósýi Aq­mola, Qostanaı, Pavlodar jáne Sol­tústik Qazaqstan oblystaryn qos­paǵanda, barlyq óńirde baıqala­dy. Bul rette el boıynsha syrqatta­nýshy­lyqtyń 58 paıyzy 3 óńirge, atap aıt­qanda Nur-Sultan jáne Almaty qa­lalary men Almaty oblysyna tıe­sili», dedi vıse-mınıstr. Onyń atap ótýinshe, qalyptasqan jaǵdaıdy eskere oty­ryp, barlyq óńirde áleýmettik-ekono­mıkalyq ny­san­­dardyń jumysyn shekteý ólshem sharttaryna sáıkes qo­symsha shekteý sharalary qa­byl­danýda.

Jıyn barysynda vıse-mınıstr eli­miz­de vak­sı­na­nyń birinshi kom­po­nen­ti 766 614 azamatqa sa­lyn­­­­ǵ­an­yn tilge tıek etti.

«Búgingi kúni birinshi komponentpen 766 614 azamat, ekinshi komponentpen 126 500 azamat egildi. Qajettilikti eskere otyryp, egý pýnktteriniń sany turaqty túrde ósip kele jatqanyn atap aıtqym keledi. Búgingi kúni óńirlerde 1 051 egý pýnktinde ımmýndaý júrgizilýde. Budan basqa, shal­ǵaıdaǵy aýdandarda, uıym­das­qan ujymdarda, adamdar kóp jınalatyn jerlerde KVI-ge qarsy vaksınasııa júrgizý úshin 303 kóshpeli egý brıgadasy jumyldyryldy», dedi E.Qııasov

Onyń dereginshe, ımmýndaý naýqa­nyna 10 myńnan astam medısına qyz­metkeri tartyldy.

«Aýyl turǵyndary úshin vaksı­na­sııanyń qoljetimdiligin arttyrý maq­satynda vaksınasııa jyljymaly medı­sınalyq keshenderdi paıdalana otyryp uıymdastyrylady», dedi vıse-mınıstr.

Bıznes qoǵamdastyqtyń bas­tamasymen 2021 jyldyń qań­tarynan bas­tap Nur-Sultan, Almaty, Qaraǵandy qala­la­rynda Ashyq mobıldik qo­sym­­shasyn engizý boıynsha jobany júzege asyrý bastaldy.

«Atalǵan jobany keńeıtý maqsat­ynda, Bas memlekettik sanıtar dári­gerdiń qaýlysyna sáıkes, oǵan Aqtóbe, Kókshetaý, Taraz jáne Taldyqorǵan qala­lary qosyldy. Osy jyl­dyń 21 sáýirindegi jaǵdaıǵa sáıkes, baǵdarlama fıtnes-klýbtarda, SPA-salondarda, saýnalarda, basseınderde, boýlıngterde, bılıard zaldarynda, kompıýterlik klýbtarda, konsert zaldarynda, qoǵam­dyq tamaqtaný oryndarynda jumys istep tur», dedi vıse-mınıstr. Onyń sózinshe, atalǵan joba oblysaralyq jáne qalaaralyq turaqty emes týrıstik tasymaldaýǵa da engizi­lip jatyr.

«5 mamyrdan bastap jobaǵa «jasyl aımaqtaǵy» banket zaldary, sonymen qatar karao­ke-klýbtar qosylatyn bolady. 26 sáýirden Ashyq jobasyn respýblıkanyń barlyq óńirinde taratý josparlanyp otyr. Ashyq jobasyna Info-Kazakhstan saıty arqyly ótinim bergen jáne qyzmet túrine sáıkes QR-kod alǵan, sonymen qatar ákimdikterdiń saıtyna ornalastyrylǵan, 7 kúndik oqýdan ótken bıznes ókilderi qatysa alady», dedi E.Qııasov.