Zańsyz bosqyndardy alyp kele jatqan qaıyq Lıvııa jaǵalaýynda aýdarylyp, 130-ǵa jýyq adam qaza tapty, dep habarlaıdy Egemen.kz SOS Mediterranee úkimettik emes uıymyna silteme jasap.
Uıym málimeti boıynsha, sońǵy 48 saǵat ishinde Lıvııa jaǵalaýynda apatqa ushyraǵan úsh qaıyq týraly habarlama kelgen. Olar SOS Mediterranee-ge tıesili Ocean Viking qutqarý kemesinen keminde on saǵattyq jerde ekeni eskertilgen.
«Biz búgin oqıǵa ornyna kelgennen beri birde-bir tiri adamdy tappadyq, degenmen apat bolǵan jerde ondaǵan adamnyń máıitin kórdik», delingen uıymnyń habarlamasynda.
Qutqarý operasııasy aýa raıynyń qolaısyzdyǵy saldarynan qıyndap ketken. Izdeý aımaǵyndaǵy tolqyndar 6 m-ge jetken.