Gam-Kovıd-Vak (Spýtnık V) vaksınasy men Qaz-Vac qazaqstandyq vaksınasy aýrýdy qozdyra almaıdy, óıtkeni olar jansyz vaksınalar. Bul týraly QR DSM QDSUO «Sanıtarlyq-epıdemıologııalyq saraptama jáne monıtorıng ǵylymı-praktıkalyq ortalyǵy» fılıaly dırektorynyń orynbasary Manar Smaǵul aıtty, dep habarlaıdy Egemen.kz.
«Eger vaksınanyń birinshi komponentin alǵannan keıin adam KVI-men aýyrmasa, ekinshi komponentin 2 aptadan keıin alýǵa bolady. Gam-Kovıd-Vak (Spýtnık V) vaksınalary men Qaz-Vac qazaqstandyq vaksınasy aýrýdy qozdyra almaıdy, óıtkeni olar jansyz vaksınalar. Respýblıkada KVI-ǵa qarsy egilgender arasynda ımmýndaýdan keıin eleýli qolaısyz kórinister tirkelgen joq», dedi Manar Smaǵul.
Onyń aıtýynsha, egilgenderdiń jalpy sanynyń 0,4%-ynda qyzarý, ıneksııa ornyndaǵy aýyrsyný, temperatýranyń joǵarylaýy, arterııalyq qysymnyń qysqa merzimdi joǵarylaýy sııaqty reaksııalar tirkeledi, olar birneshe saǵattan birneshe kúnge deıin ótedi.