Baǵdat aýrýhanasyndaǵy órtten qaza tapqandardyń sany 82 adamǵa ulǵaıdy, dep habarlaıdy Egemen.kz Baghdad Al Youm jańalyqtar portalyna silteme jasap.
«Ibn ál-Hatyb aýrýhanasyndaǵy órt 82 adamnyń ómirin jalmady, 110 adam, onyń ishinde pasıentter de, aýrýhana qyzmetkerleri de zardap shekken. Jaraqattanǵandardyń arasynda jaǵdaıy óte aýyr adamdar da bar», delingen resmı ókildiń málimdemesinde.
Buǵan deıin senbiniń keshinde Baǵdat qalasyndaǵy koronavırýsqa shaldyqqan naýqastarǵa arnalǵan aýrýhanadan órt shyǵyp, saldarynan 45 adamnyń qaza tapqany habarlanǵan bolatyn.