Elordalyq «Kerýen» SOO-da egý pýnkti ashylǵan kúnnen bastap KVI-ǵa qarsy vaksınany 120 adam aldy, dep habarlaıdy Egemen.kz qala ákimdiginiń resmı saıtyna silteme jasap.
«Elordada 100-ge jýyq egý pýnkti jumys isteıdi. Sondaı-aq, demalys kúnderi jurtqa vaksına alý yńǵaıly bolýy úshin elordanyń «Kerýen« sııaqty iri saýda ortalyqtarynda egý pýnktterin ashtyq. Bizdiń basty mindetimiz – elordalyqtardy vaksınasııalaý úshin barynsha jaǵdaı jasaý. Sonymen qatar, «Mega Silk Way«, «Abý Dabı Plaza«, «Han Shatyr« SOO-larynda egý pýnktteri ashylǵanyn bilesizder. Sol sııaqty kelesi aptada qosymsha egý pýnktterin ashamyz. Bul jumystyń bári mindetti túrde epıdemıologtardyń kelisimimen ashylady. Munda vaksınasııalaýǵa ruqsat etilgen elordalyq emhanalardyń dárigerleri jumys isteıdi. «Kerýen« SOO-da №9 qalalyq emhananyń 12 medısına qyzmetkeri ekpe jasaıdy», dedi Nur-Sultan qalasy Qoǵamdyq densaýlyq saqtaý basqarmasynyń basshysy Tımýr Muratov.
Onyń aıtýynsha, «Kerýen» SOO-daǵy egý pýnktiniń qýattylyǵy shamamen 250-300 adamdy vaksınasııalaýǵa múmkindik beredi. Pýnkt ashylǵan kúni 85 adam vaksına aldy. Al eki kúnde 120 adam egildi. Aıta keteıik, elordada ujymdyq ımmýnıtetti damytý úshin 600 myńǵa jýyq adamdy vaksınasııalaý josparlanýda.
«Biz elorda turǵyny ma, joq pa, oǵan qaramastan nıet bildirgenderdiń bárine vaksına jasaımyz. Tek respýblıkada turaqty turmaıtyn sheteldikterdi ǵana vaksınasııalamaımyz. Vaksınanyń jetispeýshiligi bizde bolmaıdy dep oılaımyn. Sebebi jetkizýdiń naqty kestesi bar», dedi T.Muratov.
«Kerýen» SOO-nyń egý pýnktine elordalyq mádenıet jáne óner qaıratkerleri de keldi.
«Búgin koronavırýsqa qarsy vaksınanyń alǵashqy dozasyn aldym. О́zimdi óte jaqsy sezinemin. Vaksınasııa prosesi tez ótti, kóp kútýge týra kelmedi, bári jaqsy uıymdastyrylǵan. Otandastarymdy ujymdyq ımmýnıtetti qalyptastyrý úshin vaksınasııaǵa qabyldaýǵa shaqyramyn», dedi «Kerýen» SOO dırektorynyń ákimshilik-sharýashylyq máseleleri jónindegi orynbasary Almas Altynbekov.
Aıta keteıik, búginde vaksınanyń birinshi komponentin 84 myń astanalyq qabyldasa, ekinshi komponenti 12 myńnan astam adamǵa salyndy. Basqarma basshysynyń aıtýynsha, elordaǵa QazVac vaksınasynyń 6 myń dozasy jetkizildi.