Májilis depýtattary elordamyzdy kógaldandyrýǵa óz úlesterin qosyp, qaraǵaı, balqaraǵaı, emen, ırga jáne shegirshin kóshetterin otyrǵyzdy, dep habarlady Palatanyń baspasóz qyzmeti.
Aıta ketý kerek, Májilis depýtattary dástúrli túrde kóktemgi jáne kúzgi ekologııalyq aksııalarǵa belsene qatysyp, ózderiniń zań shyǵarýshylyq jumystarynda da ekologııa jáne qorshaǵan ortany qorǵaý máselelerine erekshe mán beredi.
Depýtattar jasyl jelekterdi otyrǵyzý – qala turǵyndary úshin qolaıly ómir súrý jaǵdaılaryn jasaýǵa, sondaı-aq ekologııalyq mádenıetti arttyrýǵa, qorshaǵan ortaǵa jaýapkershilikpen qaraıtyn ekologııalyq qundylyqtardy qalyptastyrýǵa yqpal etetin ıgi is ekenin aıtty.
Sonymen qatar ekologııalyq aksııaǵa Májilis depýtattarymen qatar, Palatanyń apparat qyzmetkerleri de qatysty.