«Fenomen Nazarbaeva» kitabynyń tusaýkeseri ótti

Jıyndy ashqan Elbasy kitap­hanasynyń dırektory Baqyt­jan Temirbolat búgingi tańda «Nazar­baevtyń saıası kóshbas­shy­lyǵy» jáne «Nazarbaev feno­­meni» uǵymdary álemniń jetek­shi saıasatkerleri men ǵalym-zert­teý­shileriniń basty zerdeleý obek­tisine aınalǵanyn atap ótti.

«Fenomen Nazarbaeva» kita­by – kóp jylǵy qajyrly eńbek­tiń nátıjesi. Avtordyń baǵa­laýy, keıipkerdiń sıpaty men jeke tul­ǵasyna jáne tutastaı oqıǵa­lar­ǵa degen ózindik kózqarasy ba­sy­ly­mnyń mazmunyna tereńirek úńi­lýge múmkindik beredi. Qazaq­stan­daǵy bılik tranzıtine, saıa­sı oqıǵalarǵa kásibı taldaý ja­saý jınaqtyń qundylyǵyn art­ty­rady. Avtor «Murager», «Dýý­m­vırat» sııaqty tyń ári batyl uǵym­dardy engizgen. Olga Vıdovanyń eńbegi Qazaqstannyń Tuńǵysh Pre­zıdentine degen erekshe qur­mettiń belgisi ekeni daýsyz», dedi B.Temirbolat.

Kitaptyń avtory O.Vıdova Reseı­diń mádenı murasyn shetelde nasıhattaý boıynsha aýqym­dy jumystar júrgizedi. Onyń qa­lamynan postkeńestik keńistiktegi qazirgi saıası jáne rýhanı ómirge arnalǵan kitaptar týǵan. «Ult kósh­basshylary» jobasynyń nátı­je­sinde Qazaqstan Respýblıkasynyń Tuńǵysh Prezıdenti N.Nazarbaev týraly qytaı, aǵylshyn jáne qazaq tilderine aýdarylǵan kitaptar jaryqqa shyqty.

Elbasynyń jeke kitaphanasy qorynda osy avtordyń respýblıkada jáne shetelde buryn shyǵa­rylǵan jınaqtary bar. Qazirgi «Fenomen Nazarbaeva» kitaby 2020 jyly «Eksmo» baspasynan «Dáýirdiń uly saıasatkerleri» serııasy boıynsha jaryq kórdi.

Is-sharaǵa Qazaqstan men Reseı­diń kórnekti saıası jáne qo­ǵam qaıratkerleri qatysty. Memleket qaıratkeri Qýanysh Sultanov qazir­gi Qazaqstan tarıhyn zer­t­teý­shiler úshin basylymnyń qun­dy­lyǵyn atap ótti. «Bul bir tul­ǵa týraly eńbek emes. Jınaqta tu­l­ǵa­nyń qyz­meti arqyly eldiń, qoǵam­nyń ósýin kórsetip otyr. Qoǵam­daǵy qu­bylystardy zertteý arqyly jeke tulǵanyń qoǵamnyń ártúrli ózgeristerine yqpal ete alatyn múmkindigi, oǵan jetkilikti bili­mi, qarym-qabileti úlken ról at­qa­ratyndyǵy kórsetilgen. Osy tur­ǵydan, bul bizdiń rýhanı qo­ry­­myzǵa qosylǵan jańalyq dep esep­­teımin», dedi Q.Sultanov.

Elbasy fenomeniniń basty jetistikteri men faktorlary­nyń biri – Qazaqstandaǵy etnos­ara­lyq beıbitshilik pen kelisim ekendi­gi­ne RF Federasııa Keńesi tóraǵa­sy­nyń 2001-2011 jyldar­daǵy keńes­shisi O.Karpýhın basa nazar aýdardy. «Nazarbaev fenomeni onyń tárbıe­si men Temirtaýdyń ystyq sehynda eńbeksúıgish ujymnyń ortasynda ábden shyńdalǵanynda jatyr. Bul shydamdylyq qasıeti onyń ómiriniń barlyq kezeńderine áser etti. Keńes respýblıkalaryndaǵy prezıdentterdiń eshqaısysy mun­daı keremet eńbek jolymen maq­tana almaıdy. N.Á.Nazar­baev­tyń saıası mániniń bastaýy ári onyń tańǵajaıyp fenomeniniń uǵymy osynda jatyr», dedi ol.

Nursultan Nazarbaev qorynyń atqarýshy dırektorynyń orynbasary Álkeı Marǵulanuly bylaı dedi. «Elbasy fenomeni áli uzaq zertteledi, óıtkeni onyń kóptegen paıym­dary 2030 jylǵa deıin júze­ge asyrylady. Sondyqtan biz bul taqyrypqa taǵy da san már­te júginemiz jáne tarıhı sheshim­derdiń kýágerlerimen ǵana emes, Z jáne Y dep atalatyn urpaq­pen de talqylaıtyn bolamyz. Biz olar­ǵa Qazaqstannyń Tuńǵysh Pre­zı­denti­niń Táýelsizdik qun­dy­­lyq­tary men saıası murasyn du­rys jet­ki­zýge mindettimiz», de­di Á.Marǵulan.

Kitaptyń avtory Olga Vıdova: «Fenomen Nazarbaeva» kitabyn 2020 jyly jaza bastadym. 30 jyl ishinde Nursultan Ábishuly Nazarbaev eldi kóterip qana qoımaı, onyń ekonomıkasyn damytyp, astanasyn saldy. Eń bastysy, ol el basshysy re­tin­­de memleketke aınalǵan ult­­ty qalyptastyrdy. Onyń jar­­qyn jetistigi – Qazaqstan hal­qy Assambleıasy barlyq qazaq­stan­­dyqtar úshin beıbitshilik pen ke­lisimniń kepiline aınaldy. Búginde álemniń kóptegen saıa­sat­keri ony qundy tájirıbe retin­de zerttep, qabyldap jatyr. 2019 jylǵy bılik tranzıti de dana­lyq pen saıası kóregendiktiń kór­setkishi. Qazaqstannyń Tuńǵysh Prezı­dentiniń bul qadamy da búkil álem úshin úlgi boldy», dep atap ótti.